महिला एसियन कप २०२२ छनोट : नेपालं न्हापांगु कासा फिलिपिन्सलिसे म्हितीगु

येँ – अखिल नेपाल फुटबल संघ (एन्फां) मंगलवाः बिउगु जानकारीकथं नेपालं एएफसी महिला एसियन कप २०२२ छनोट कासाया न्हापांगु कासा फिलिपिन्सलिसे म्हितीगु जूगु दु । अथे हे निगूगु कासाय् नेपालं हङकङलिसे म्हिती ।
नेपालं सेप्टेबर १८य् फिलिपिन्स व सेप्टेबर २१ य् हङकङलिसे म्हिती । फिलिपिन्स व हङकङ दथुया कासा सेप्टेबर २४ य् जुइ । स्वंगुलिं कासा उज्वेकिस्तानय् जुइ । थ्व पुचःया शीर्ष थासय् लाःगु टिमं भारतय् जुइगु महिला एसियन कपय् धेंधेंबल्लाः म्हिती । मुख्य प्रशिक्षक ग्यारी फिलिप्सया प्रशिक्षणय् नेपाःया २८ म्ह कासामि बन्द प्रशिक्षणय् दु