बहनी ८ बजे लिपा गाडी चले याके मबीगु निर्णयया विराेध

येँ – हानं अप्वया वंगु कोरोना महामारी पनेगु लागिं सरकारं बहनी ८ बजे लिपा गाडी चले मयाकेगु धकाः याःगु निर्णययात प्यखेरं विरोध याना हःगु दु । स्वनिगःया स्वम्ह सीडीओतय्सं थ्वहे वइगु विहीवाःनिसें स्वनिगः दुने गाडी मयाकेगु धकाः सुचं जारी याःगु खः ।

कोरोना संक्रमण बारे ज्या याना–च्वंपिं विज्ञतय्सं धाःसा सीडीओतय् थ्व नियमया विरोध याःगु दु । बहनी ८ बजे लिपा अथें नं मनूत छेँय् छेँय् वनेधुंकीगु जूगुलिं भीडभाड कम जुइगु जुयाः अज्याःगु इलय् गाडी बन्द याकेगुया अर्थ मदुगु खँ धाःगु दु ।

संक्रमण अप्वः न्यना वनीगु ला अप्वः भीड जुइगु थासय् खः, तर न्हिनय् जुइगु भीडयात कायम हे यानाः बहनी गाडी जक पनां कोरोना नियन्त्रण मजुइगु खँ नं विज्ञतय्सं धाःगु दु । थ्वहे झ्वलय् कोरोना संक्रमितया ल्याः म्हिगः छन्हुं ४,९०४ म्ह थपे जूगु दुसा ३५ म्ह मनू सीगु दु ।

सम्बन्धित बुखँ

LEAVE YOUR COMMENTS