यलय् लपि, साहित्य व संस्कृति विषयय् प्रशिक्षण

येँ – नेपालभाषा मंकाः खलः यलया ग्वसालय् नेपाल लिपि, साहित्य व संस्कृति विषयय् जूगु प्रशिक्षण क्वचाःगु दु । यल महानगरपालिकाया आर्थिक ग्वाहालिइ यल मंकाः खलःया ग्वसालय् वंगु असार ५ गतेनिसें स्ववाःतक न्ह्याःगु उगु प्रशिक्षणय् मुक्कं झिंखुम्हेसिया सहभागिता दुगु खः ।

प्रशिक्षण समापनय् यल मनपा सामाजिक विकास समितिया संयोजक दिनेश कार्कीं प्रशिक्षार्थीपिंत दसिपौ लःल्हानादीगु खः । नेपालभाषा मंकाः खलःया नायः ऋषिप्रसाद श्रेष्ठया सभापतित्वय् जूगु समापन ज्याझ्वलय् यल मनपा समाज कल्याण महाशाखा प्रमुख बाबुराजा महर्जन, यल मनपा २७ वडा अध्यक्ष बाबुराजा महर्जन लगायतया उपस्थिति दुगु खः ।

नेपालभाषा केन्द्रीय विभागया पुलांम्ह प्रमुखु सह प्रा. तुल्सीलाल सिंहया संयोजकत्वय् जूगु ज्याझ्वलय् राकेश महर्जन व किरण शाक्यपिंसं प्रशिक्षण बियादीगु खः । सिक्किमंनिसें झायादीम्ह निशा प्रधानं नं प्रशिक्षण कयादीगु खः ।