बलम्बु महालक्ष्मी देगलय् गजू छुत

येँ- येँय् नं पश्चिम भेगय् लाःगु बलम्बुइ महालक्ष्मी द्यःया देगलय् गजुलिं जुइगु ज्या जूगु दु । बलम्बु महालक्ष्मी द्यःया देगलय् तान्त्रिक विधिं होम, पुजापाठ यानाः गजुलिं छुइगु ज्या याःगु खः ।

देगलय् गजू छुइ न्ह्यः स्वनिगःया राजोपाध्याय, जोशी व आचाजु (कर्माचार्य)पिंसं अतिकं दुर्लभकथं कयातःगु तान्त्रिक होम, पुजा पाठ व विधि पुजा लिपा गजू प्रतिस्थापन याःगु खः ।

गजू छुइत जूगु पुजाया व्यवस्थापन सरोज श्रेष्ठं यानादीगु खःसा गजू छुइत जूगु पुजाय् मूलाचार्य श्रीमद राजोपाध्यायया नेतृत्वय् रजनी राजोपाध्याय, अजरा मञ्जु, अञ्जु राजोपाध्यायलिसें कविन्द्र राजोपाध्यायं उपाध्यायत्व, ओमधरानन्द राजोपाध्यायं ब्रम्हायणी पुजा, पुरुषोत्तम राजोपाध्यायं प्रतिहर्ता सुब्रहमण्य महेश्वरी पुजा यानादीगु खः ।

थुकथं हे विजय शर्मा राजोपाध्याय, निरन ज्वालानन्द राजोपाध्याय, नरेन्द्र भालाचन्द्र राजोपाध्याय, रक्षण राजोपाध्याय, आकाश राजोपाध्याय, आभारधरानन्द राजोपाध्याय, त्रिलोचन राजोपाध्याय, श्रीजय शर्मा राजोपाध्याय लगायतं नं थीथीकथंया पुजा यानादीगु खःसा विक्रम कर्माचार्यं बलि पुजा व दीनानाथ जोशीं द्यः प्रतिस्थापन पुजा यानादीगु खः ।