न्हूपिं मन्त्रितय् शपथ व पदभार ग्रहण

येँ (नेपालभाषा टाइम्स)÷नेकपा एकीकृत समाजवादीपाखे नियुक्ति जूपिं न्हूपिं मन्त्रीतय्सं शपथ ग्रहण याःगु दु । राष्ट्रपति विद्यादेवी भण्डारीं म्हिगः शितल निवासय् न्हू नियुक्ति जूपिं मन्त्रीतय्त शपथ ग्रहण याकूगु खः ।

न्हूगु मन्त्रिपरिषद् नेकपा एसया सिफारिसय् जीवनराम श्रेष्ठ संस्कृति, पर्यटन तथा नागरिक उड्डयन, मेटमणि चौधरी शहरी विकास, भवानीप्रसाद खापुङ स्वास्थ्य, शेरबहादुर कुँवर श्रम रोजगार तथा सामाजिक सुरक्षा मन्त्री व हिराचन्द्र केसी स्वास्थ्य तथा जनसंख्या राज्यमन्त्रीइ नियुक्त जूगु खः ।

शपथ ग्रहण लिपा म्हिगः हे थःगु पदभार ग्रहण यासें पर्यटन मन्त्री श्रेष्ठं स्वयम्भुनिसें हनुमानध्वाखा तक सम्पदा पदमार्ग दयेकेगु ज्या न्ह्याकेगु निर्णयय् हस्ताक्षर याःगु खः ।

नेपालभाषा टाइम्स

च्वमिया मेमेगु

• कोशी प्रदेश विरुद्धया आन्दोलनय् प्रहरी हस्तक्षेप, आपालं घाःपाः
• रेशम चौधरीयात थौं आम माफी बियाः त्वःतीगु
• भाषा कानून हयेत मन्त्रीया बचं
• जैसीदेवल क्लबया सम्मान ज्याझ्वः
• किपुलिइ दाफा धुकू पासा ज्याझ्वः