शंकर पोखरेलया भविष्य २७ गते

येँ – लुम्बिनी प्रदेशया प्रमुख अमिक शेरचनं साउन २७ गते लुम्बिनी प्रदेशसभाया विशेष अधिवेशन आह्वान यायेवं सत्तारुढ दल एमालें आपत्ति प्वंकूगु दु । म्हिगः एमाले लुम्बिनी प्रदेशया संसदीय दलं छगू पत्रकार सम्मेलन यासें प्रमुख सचेतक भूमिश्वर ढकालं आपत्ति प्वंकादीगु खः ।

पत्रकार सम्मेलनय् वय्कलं संवि–धानया धारा १६८ (१) कथं गठन जूगु एकल बहुमतया सरकार विरुद्ध निदँ मदयेकंं अविश्वासया प्रस्ताव दर्ता याये मजिउगु जिकिर यासें अधिवेशन यात कयाः पार्टीइ थप सहलह यानाः न्ह्याःवनेगु खँ कनादिल । लिसे वय्कलं अविश्वासया प्रस्तावयात कयाः सहलहया निंतिं प्रदेश प्रमुखं सःतूगु विशेष अधिवेशन संविधान अःखः जूगु खँ नं धयादीगु दु । अन प्रदेशया मुख्यमन्त्री शंकर पोखरेल अल्पमतय् लानाच्वंगु दु ।

वय्कलं सजपाया सांसद छगू पुचः सत्ता पक्षय् च्वनेगु व मेगु पक्ष विपक्षय् च्वनाच्वंगु खँ न्ह्यथँसें पार्टीं आःया परिस्थितियात गम्भीर रुपं विश्लेषण यानाः न्ह्याःवनेगु खँ नं धयादीगु दु । प्रदेश प्रमुख शेरचनं संविधानया धारा १८३ या उपधारा ३ कथं विशेष अधिवेशन आह्वान यानादीगु खः ।

सम्बन्धित बुखँ

LEAVE YOUR COMMENTS