ने. सं. ११४६ अनलाथ्व अष्टमी -

मस्तय्त खोप व्यवस्थापन याः

येँ – प्रतिनिधिसभाया महिला तथा सामाजिक समितिया बैठकं मस्तय्त छ्यले जिउगु खोप याकनं व्यवस्थापन यायेगु निंतिं पहल यायेत स्थानीय तह लिसे मस्त मैत्री क्वारेन्टाइन दयेकेत स्वास्थ्य तथा जनसंख्या मन्त्रालययात निर्देशन बिउगु दु । म्हिगः च्वंगु समितिया बैठकं उगु निर्देशन बिउगु खः ।

कोरोना भाइरसया सम्भावित स्वंगूगु लहर व मस्तय्त लायेफइगु प्रभाव सम्बन्धी सहलहया झ्वलय् मस्तय् वासः यायेत गुगुं नं कथं अभाव जुइ मजिउगु खँ सभापति निरु पालं धयादिल ।