थाई जुजुपाखें नेपाःयात ग्वाहालि

येँ – थाइल्याण्डया जुजु महा भाजिरालङकर्णं कोरोना महामारीपाखें ल्वायेगु लागिं नेपाःयात थीथी सामग्री छ्वया हःगु दु । थाइल्याण्डया विशेष विमानपाखें थ्व सामग्री म्हिगः नेपाः थ्यंकः वःगु खः । म्हिगः विमानस्थलय् नेपाःया लागिं थाइल्याण्डया राजदूत भोसिता भोरासाफं स्वास्थ्यमन्त्री हृदयेष त्रिपाठीयात उगु सामग्री लःल्हानादीगु खः ।

थाइल्याण्डं छ्वयाहःगु सामग्रीइ मास्क, पीपीई, अक्सिमिटर, अक्सिजन उत्पादन मेशिन लगायतया ज्वलंत दुथ्याः ।

थाईल्याण्डय् दीम्ह नेपाःया भिक्षु डा. सुगन्ध महास्थविर व नेपाःपाखें लुम्बिनी विकास कोषया सदस्य सचिव सानुराजा शाक्यपिनि विशेष पहलय् थ्व सामग्री नेपाः छ्वया हःगु खः ।

सम्बन्धित बुखँ

LEAVE YOUR COMMENTS