एमालेया ‘माओवादी’ नेतात सर्वोच्चय्

येँ -नेकपा माओवादी केन्द्र त्वःताः एमालेय् दुहां वंपिं प्यम्ह पूर्व सांसदतय्सं थःपिनि सांसद पद पुनर्बहाली जुइमाः धइगु माग यासें सर्वोच्च अदालतय् रिट तःगु दु । नेतात टोपबहादुर रायमाझी, लेखराज भट्ट, प्रभु साह व गौरीशंकर चौधरीं थ्व रिट तःगु खः ।

फागुन २३ गते सर्वोच्च अदालतं याःगु फैसलां नेकपा विघटन यानाः एमाले व माओवादी केन्द्र कायम जुइधुंकाः एमालेपाखे वंपिं माओवादीया थ्व प्यम्ह सांसदत पदमुक्त जूगु खः । थुमिसं थःपिं नेकपा एमाले व माओवादी केन्द्रया मंकाः घोषणापत्रया आधारय् निगुलिं दलया मतदाताया मतं विजयी जूगु खः धासें थःपिंसं जनताया प्रतिनिधित्व यायेदइगु अधिकार कुण्ठित याये दइमखु धकाः रिट दर्ता याःगु खः ।

थ्व पूर्व माओवादी नेतात थ्व स्वयां न्ह्यः थःपिनि पद कायम यायेमाल धइगु माग ज्वनाः निर्वाचन आयोगय् वंगु खःसा आयोगं उमिगु मागयात कयाः छुं सुनुवाई मयाःगुलिं उपिं सर्वोच्च अदालत वंगु खः ।

सम्बन्धित बुखँ

LEAVE YOUR COMMENTS