कंसाकारयात नेपाल प्रज्ञा पुरस्कार व वैद्ययात नेपाल प्रज्ञा मातृभाषा साहित्य पुरस्कार
येँ- वरिष्ठ व्याकरणविद् डा. तेजरत्न कंसाकारयात नेपाल प्रज्ञा पुरस्कार व व वरिष्ठ कवि पूर्ण वैद्ययात नेपाल प्रज्ञा मातृभाषा साहित्य पुरस्कार लःल्हाःगु दु । नेपाल प्रज्ञा प्रतिष्ठानपाखें बिइगु प्रज्ञा पुरस्कार निगू लाख तका व सम्मान पत्रसहितया खःसा मातृभाषा साहित्य पुरस्कार छगु लाख तका व सम्मानपत्र सहितया खः ।
प्रतिष्ठानं डा. कंसाकारयात भाषा विज्ञान ख्यलय् यानादीगु योगदानया कदर यासें नेपाल प्रज्ञा भाषा पुरस्कार व कवि वैद्ययात नेपालभाषा साहित्य ख्यलय् यानादीगु योगदानया कदर यासें नेपाल प्रज्ञा मातृभाषा साहित्य पुरस्कार लःल्हाःगु खः ।
वंगु बिहिवाः राष्ट्रपति भवन शितल निवासय् राष्ट्रपति विद्यादेवी भण्डारीपाखें सीमित पाहांपिनि दथुइ जूगु छगू समारोहय् मेमेपिं नं पुरस्कृत व्यक्तित्वपिं लिसें वय्कःपिंत उगु सिरपाः लःल्हानादीगु खः ।
LEAVE YOUR COMMENTS