प्रन्या श्रेष्ठ विश्वया उत्कृष्ट न्यायाधिशया धलखय्
येँ – सर्वोच्च अदालतया पुलांम्ह प्रधानन्यायाधिश कल्याण श्रेष्ठ विश्वया सर्वोत्कृष्ट न्यायाधिशया धलय् दुथ्यायेत ताःलाःगु दु । सर्वोच्चय पुलांम्ह प्रन्या श्रेष्ठयात विश्वया आपालं नांजाःपिं न्यायाधिशलिसें ‘टावरिङ जजेस्’या धलखय् दुथ्याकातःगु खः ।
क्याम्ब्रिज विश्वविद्यालय प्रेसं पिकाःगु सफुतिइ पूर्व प्रन्या श्रेष्ठयात अमेरिका, बेलायत, भारत, दक्षिण अफ्रिका लगायतया आपालं देय्या नांजाःपिं न्यायाधिशलिसें धलखय् दुथ्याकातःगु खः । सफुतिइ पूर्व प्रन्या श्रेष्ठयात बारे छपु ताःहाकःगु हे च्वसु नं दुथ्याकातःगु दु ।
चाइनिज युनिभर्सिटी अफ हङकङया सह प्रध्यापक डा. मारा माल्गोडीया क्याम्ब्रिज विश्वविद्यालय प्रेसं पिकाःगु ‘टावरिङ जजेस् ः अ कम्प्यारेटिभ स्टडी अफ कन्स्टिच्युसनल जजेज्’य् सह प्राध्यापक डा. माल्गोडीं वय्कःया बारे ताःहाकःगु हे च्वसु नं च्वयादीगु खः ।
लिपांगु छगू शताब्दीया दुने विश्वया थीथी झिंप्यंगू देय्या झिंगुम्ह न्यायाधिश बारे उगु सफुतिइ च्वयातःगु दु । सफुतिइ अमेरिकाया प्रधानन्यायाधिश व न्यायाधिशपिं चाल्र्स इमान्स ह्युजेस, ओबेन रोबर्टस्, ह्युगो ब्ल्याक, अर्ल वारेन, विलियम ब्रेनन, बेलयायत सर्वोच्च अदालतया अध्यक्ष लेडी हेल, भारतया प्रधानन्यायाधिश पीएन भगवती, अस्टे«लियाया प्रधानन्यायाधिश सर एन्थोनी मेसन, दक्षिण अफ्रिकाया प्रधानन्यायाधिश आर्थर चास्कल्सनलिसें नेपाःया सर्वोच्च अदालतया पुलांम्ह प्रधानन्यायाधिश श्रेष्ठयात नं सर्वोत्कृष्ट प्रधानन्यायाशि व न्यायाधिशया धलखय् दुथ्याकातःगु खः ।
पूर्व प्रधानन्यायाधिश श्रेष्ठ गुला जक सर्वोच्च अदालतया प्रधानन्यायाधिश जुयादीगु खःसा झिदँ स्वयां अप्वः वय्कलं सर्वोच्चया न्यायाधिश रुपय् ज्या यानादीगु खः ।
LEAVE YOUR COMMENTS