राजदूत शाक्यया पहलय् २० कराेडया स्वास्थ्य सामग्री वल

येँ – इजरायलया निंतिं नेपाःया राजदूत डा. अञ्जान शाक्यया पहलय् इजरायलं छ्वयाहःगु ५८ गः भेन्टिलेटर लिसें २० करोड बराबरया स्वास्थ्य सामग्री नेपाः थ्यंकः वःगु दु । इजरायल सरकार, इजरायलय् च्वंगु स्वास्थ्य संस्था, व्यावसायिक क्षेत्र, नेपाली दूतावास परिवार व इजरायलय् च्वंपिं नेपाःमितय् ग्वाहालिं थ्व सामान वःगु खः । डा. शाक्यं ग्वाहालि वःगु सामान नेपालं चार्टर्ड यानाः छ्वयाहःगु विमानया पाइलटया लःल्हानादीगु खः ।

सामान ज्वना वःगु विमान त्रिभुवन अन्तर्राष्ट्रिय विमान स्थलय् थ्यनेवं नेपाःया निंतिं इजरायली राजदूत हनान गोडेरं विमानस्थलय् वनाः नेपाःया परराष्ट्र मन्त्रालय व स्वास्थ्य मन्त्रालयया अधिकारीतय्त लःल्हानादीगु खः ।

नेपालभाषा टाइम्स

च्वमिया मेमेगु

• वतु त्वालय् दन्त शिविर
• पासा पुचः गुथि लन्दनया न्हूधाः
• ज्यापु समाजया निर्वतमान नायः तीर्थलालया अबु मंत
• ‘मौसम पूर्वानुमानयात गम्भीर रुपं मकाःगुलिं यक्व क्षति जूगु खः’ – वरिष्ठ माैसमविद् मणिरत्न शाक्य
• नखःचखःया दिं कायेत झीगु संस्कृतिया मौलिक परम्परा म्हसीकेमाल