अस्ट्रेलियापाखें स्वास्थ्य सामग्री ग्वाहालि

येँ – त्रिभुवन विश्वविद्यालय शिक्षण अस्पतालया निंतिं अस्ट्रेलिया थीथी स्वास्थ्य सामग्री ग्वाहालि लःल्हाःगु दु । नेपाःया निंतिं अष्ट्रेलियाया राजदूत फेलिसिटी वोल्कं मंगलवाः चिकित्सा शास्त्र अध्ययन संस्थायान डीन प्रा. डा. दिव्या सिंह शाह व त्रिवि शिक्षण अस्पताल फरेन्सिक विभागया डा. स्मारिक दाहालयात ४१ लाख तका बराबरया सामान लःल्हानादीगु खः ।

अष्ट्रेलियाया अवार्डस् अल्मुनाइ ग्रान्टपाखें निम्ह अस्ट्रेयाया विश्वविद्यालयया अल्मुनाइपिं प्रा. डा शाह व डा. दाहालयात उमिगु ज्यायात थप ग्वाहालि जुइमा धयागु ल्याखं अल्ट्रासाउण्ड मेसिन व पोर्टेबल डेन्टल एक्सरे मेसिन लःल्हाःगु खः ।

डेन्टल एक्सरे मेसिन अस्पतालया फोरेन्सिक मेडिसिन विभागपाखें विपद् पीडित मनूत म्हसीकेगु निंतिं छ्यलीगु जूगु दु । डा. दाहाल डेन्टल एक्सेपाखें म्हसीकेगु विधाय् ज्या यानादीम्ह नेपाःया हे न्हापांम्ह व्यक्ति खः । नेपालय् चिकित्सा सेवाय् वय्कलं यानादीगु योगदान व अस्ट्रेलिया अवार्डस् महिला नेतृत्व संजाल नेपालय् वय्कःया सक्रिय सहभागितायात कदर यासें थ्व सामान डा. दाहालयात लःल्हाःगु खः ।

अथेहे अल्ट्रासाउण्ड मेसिन डा. शाहया जलास्येँ व जलास्येँ प्रत्यारोपण क्षेत्रय् योगदानया निंतिं लःल्हाःगु खः । थ्व उपकरण लःल्हानादिसें राजदूत वोल्कं अस्ट्रेलिया सरकारया नेपाल कोभिड १९ सहयोग योजना कथं नेपाःया स्वास्थ्य क्षेत्रय ग्वाहालि यायेत प्रतिवद्ध दुगु खँ धयादिल ।

सम्बन्धित बुखँ

LEAVE YOUR COMMENTS