सरकारयात नेत्रविक्रम चन्दया ख्याच्वः

येँ- नेत्रविक्रम चन्दया माओवादी पार्टीं सरकारं थःपिंलिसे याःगु सहमति कार्यान्वयन यायेत इनाप याःगु दु । यदि कार्यान्वयन मयात धाःसा थुकिं सरकारयात नोक्सान जुइ फइगु ख्याच्वः नं बिउगु दु ।

म्हिगः उगु पार्टीया प्रवक्ता खड्ग बहादुर विश्वकर्मा प्रकाण्डं म्हिगः छगू पत्रकार सम्मेलन यासें सरकारयात थ्व ख्याच्वः बियादीगु खः । थःपिंलिसे जूगु सहमतियात सरकारं इमान्दारीपूर्वक कार्यान्वयन यायेमाःगु खँ धासें वय्कलं कार्यान्वयन मजुल धाःसा सरकारं उकिया मूल्य चुके यायेमालीगु खँ नं धयादीगु दु ।