डिफेन्डिङ च्याम्पियन पोर्चुगल आउट

येँ – युरो डिफेन्डिङ च्याम्पियन पोर्चुगल प्रिक्वार्टर फाइनलं हे आउट जूगु दु । आइतवाः चान्हय् जूगु कासाय् विश्व नं. १ टिम बेल्जियमं पोर्चुगलयात १–० गोलं बुकूगु खः । बेल्जियमया विजयया निंतिं कासाया ४२ औं मिनेटय् तोगानो हजार्डं छगू जक गोल याःगु खः । पोर्चुगलया डिफेन्डरतय् मार्कय् मलाःम्ह हजार्डं बक्स पिनें कडा प्रहार यासें गोल याःगु खः ।

थ्व विजय लिसें बेल्जियम क्वार्टरफाइनलय् दुहां वंगु दुसा आः क्वार्टरफाइनलय् इटली नाप म्हिती ।

अथेहे बेल्जियमया थ्व विजय लगातार झिंप्यंगूगु विजय खः । थ्व कासा लिसें म्हितूगु झिंप्यंगू कासाय् बेल्जियम छगुलिइ नं पराजित वा बराबरी जूगु मदुनि, फुक्क हे कासाय् त्याकावःगु खः ।

कासाय् पोर्चुगलया सुपरस्टार रोनाल्डो व बेल्जियमया स्टार कासामि रामेलु लुकाकु निम्हं बांलाक चले जुइमफुत । रोनाल्डों फ्रिकिक छगू बांलाःगु प्रहार याःगु खः, तर उकियात बेल्जियमया गोलकिपर कोर्टियरं पनाबिल ।

सम्बन्धित बुखँ

LEAVE YOUR COMMENTS