थिमिइ याकः हुलाप्याखं कासा

थिमि –  सरस्वति कला केन्द्रया ग्वसालय् थनया मध्यपुर थिमिइ जूगु एकल हुलाप्याखं कासा–२०७६या उपाधि इम्मानुअल स्कुलया अनुषा गिरीं त्याकेत सफल जूगु दु । कौडा म्येँय् हुलाप्याखं न्ह्यब्वयाः गिरीं सत्याम्ह प्रतिस्पर्धीयात लिउने लाकाः सिनियरपाखेया उपाधि त्याकेत सफल जूगु खः ।

स्वंगू चरणय् जूगु कासाय् स्वस्तिका जिसी (वेलफेयर एकेदेमि) लिउ, प्रिया प्रजापति–ख्वप उमावि) लियांलिउ व श्रृजना कार्की व अजय केसीं मंकाःकथं हःपाः सिरपाः त्याकल । थुकथं हे जुनियरपाखे सुप्रभा कार्की, आषिका बोहरा, आर्य अर्याल व अणु श्रेष्ठं छसिकथं न्हाप, लिउ, लियांलिउ व प्यंगूगु थाय्या सिरपाः त्याकल ।

कासाय् ९ दँ दुम्ह प्रतियोगि मोहित राजथलायात कनिष्ठ प्रतियोगीया रुपय् छनोट याःगु खः । धेंधेंबल्लाः कासाय् नेपाल संगीत तथा नाट्य प्रज्ञा प्रतिष्ठानया प्राज्ञ कृष्णभक्त महर्जन, वरिष्ठ कलाकार मणिराम केसी व अनिता श्रेष्ठया पुचः निर्णायकमण्डलय् च्वनादीगु खः ।

कासाया उलेज्या सूर्यविनायक नगरपालिकाया प्रमुख वासुदेव थापां यानादीगु खःसा कासाय् विजयी जुयादीपिंत मध्यपुर थिमि नगरपालिकया प्रमुख मदनसुन्दर श्रेष्ठं शिल्ड, मेडल व दसिपौ लःल्हानादिल ।

नगरप्रमुख थापा, कासा ग्वसाः ग्वःगु संस्थाया निर्देशक महेन्द्र राजथला लगायतं नुगःखँ तयादीगु उलेज्याझ्वलय् मध्यपुर थिमि नगरपालिकाया प्रमुख श्रेष्ठ, जीवित संस्कृतिया धरोहर श्रीगोपाल प्रजापतिलिसें आपालं बुद्धिजीवि, शिक्षक, कलाकार, संचारकःमिपिनिगु सहभागिता दुगु खः ।

सम्बन्धित बुखँ

LEAVE YOUR COMMENTS