जुम्लाय् एमबिबिएस ब्वंकेत लँ चाल

येँ – चिकित्सा शिक्षा आयोगं जुम्लाय् च्वंगु कर्णाली स्वास्थ्य विज्ञान प्रतिष्ठानयात चिकित्साशास्त्रया स्नातक तह (एमबिबिएस) ब्वंकेगु निंतिं स्वीकृति बिउगु दु । आयोगया २९ गते च्वंगु बैठकं प्रतिष्ठानयात २५ म्हेसित तक एमबिबिएस ब्वंकेगु निंतिं स्वीकृति बिउगु खः । थ्व स्वीकृति लिपा नेपाःया विकट थाय् कर्णाली नं चिकित्सा ब्वने खनीगु अवस्था जूगु दु । थन आः चालु आर्थिक दँया शैक्षिक सत्र दुने हे एमिबिबिएस कार्यक्रम संचालन जुइगु खँ धाःगु दु ।

थन स्नातकोत्तर तह (एमडी)या अध्यापन धाःसा सुरु जुइधुंकूगु दुसा । प्रतिष्ठानय् ख्वपया डा. रहिस कोजु, येँया डा. प्रसंशा ताम्राकार व कपिलवस्तुया डा. वेदकुमार चौधरी, दार्चुलाया डा. ललितसिंह धामी व कलैया मुन्ना केशरीं एमडी ब्वनाच्वंगु दु ।

सम्बन्धित बुखँ

LEAVE YOUR COMMENTS