असार‌ं १ निसे‌ं खाद्यान्न, किराना ११ बजे तक चायेके दइगु

येँ – स्वनिगलय् निषेधाज्ञा छुं भचा ह्वालुका छवाःया निंतिं थप याःगु दु । स्वनिगःया येँ, यल व ख्वप जिल्लाया सिडिओतय् बैठकय् लिपा थप छवाः निषेधाज्ञा घोषणा याःगु खः । तर थ्व इलय् खाद्यान्न, किराना व डिपार्टमेन्ट स्टोर लिसें तरकारी, ला, व दुरु, स्टेशनरी पसः ११ बजे तक चायेके दइगु जूगु दु । अथेहे निर्माण सामाग्री पसः न्हिनय् ४ बजे निसें चायेके दइगु याःगु दुसा अनलाइन माध्यम होमडेलिभरि सुथय् ७ बजे निसें बहनी ७ बजे तक याये दइगु जूगु दु ।

वंगु वालय् सर्वोच्च अदालतं अनलाइन माध्यम जुइगु विक्रवितरण व होम डेलिभरि सेवा मदिकेत अन्तरिम आदेश जारी याःगुलिं थ्व पालय् निसें होम डेलिभरि संचालन याःगु खः । थ्व इलय् विकास निर्माणया ज्या न्ह्याकेत ढुवानी सेवा सहज यायेगु नं निर्णय याःगु दु । तर थ्व पालय् निसें निजी सवारी साधन जोड विजोड यानाः चले याके बीगु अनुमान याःसां न्हापा थें चले याके मबीगु हे निर्णय जूगु दु ।