देय् दबूया येँ महानगर समिति

येँ – नेवाःतय्गु राष्ट्रिय संस्था नेवाः देय् दबूया येँ महानगर समिति नीस्वंगु दु । वंगु शनिवाः थनया नेपाः ब्यांक्वेटय् जूगु तःजिगु भेलां दबूया येँ महानगर समिति नीस्वंगु खः ।

येँ जिल्लाया नायः मचाराजा महर्जनया सभापतित्वय् दबूया केन्द्रीय नायः नरेश ताम्राकारया प्रमुख आतिथ्यताय् जूगु भेलां शोभा महर्जन वज्राचार्यया अध्यक्षताय् येँ महानगर समिति गठन याःगु खः । समितिइ खुम्ह न्वकुकथं रमेशकुमार जोशी, सृजनमान श्रेष्ठ, कल्पना श्रेष्ठ महर्जन, गीता सिख्राकार, शैलेश डंगोल व अमरबहादुर रंजित च्वनादीगु दु । अथे हे सचिवय् अरविन्दमान सिंह, सहसचिवय् सुनिल महर्जन च्वनादीगु दु ।

वडा प्रतिनिधिइ किरोजमान सिंह (१), स्वस्तिका श्रेष्ठ (२), धर्म डंगोल (३), संजय श्रेष्ठ (४), राजेश महर्जन (५), बालकृष्ण श्रेष्ठ (६), चन्द्रकिरण श्रेष्ठ (७), श्रीकृष्ण डंगोल (८), सुदर्शना तण्डुकार (१०) अमिता महर्जन (१२), श्रीकृष्ण महर्जन (१३), उद्धव खड्गी (१५), राजु महर्जन (१६), बाबुराजा महर्जन (१७), शिलुकाजी महर्जन (१८), रोशन महर्जन (२०), निरज रंजित (२१), मंगलादेवी महर्जन (२२), केशव महर्जन (२४), मिरा महर्जन ताम्राकार (२५), सुष्मा सिख्राकार (२६), सजिब वज्राचार्य (२७), सुवर्ण खड्गी (२८), ज्ञानु श्रेष्ठ (२९), जगदीशमान श्रेष्ठ (३०) व न्हुछेकृष्ण श्रेष्ठ (३२) च्वनादीगु दु । दांभरिंलिसें ल्यं दुगु वडा प्रतिनिधि लिपा ल्ययेगु खँ धाःगु दु ।

ज्याझ्वलय् दबूया कचा संगठन बागमति प्रदेश समितिया नायः उमेश स्थापित, नेवाः मिसा दबूया नायः रश्मिला प्रजापति लगायतया उपस्थिति दुगु खः ।