स्वयेबहम्ह कासामि, केलियन एम्बाप्पे

अर्जेन्टिनाविरुद्ध निगू गोल याःम्ह एम्बाप्पे थुगुसीया विश्वकपय् विशेष चर्चा जुयाच्वंम्ह कासामि खः । अर्जेन्टिनाविरुद्धया कासाय् एम्बाप्पें क्यंगु ब्वाँय् वनेगु क्षमतायात सकसिनं गज्जब कथं कयाच्वंगु दु । विश्वकपय् वयागु प्रदर्शन खनाः आः हे वयात सकसिनं विश्वया उत्कृष्ट कासामि कथं कायेधुंकूगु दु ।

सन् २०१७ य् फ्रान्सया निंतिं डेब्यु याःम्ह एम्बाप्पे नकतिनि झिंगुदँ दुम्ह कासामि खः । थ्व विश्वकपय् न्हापांखुसी पेरुविरुद्ध गोल यासें एम्बाप्पे फ्रान्सया निंतिं गोल याःम्ह दकलय् क्वकालिम्ह कासामि नं जूगु खः । अर्जेन्टिना विरुद्ध निगू गोल यायेवं एम्बाप्पे छगू हे कासाय् निगू गोल याःम्ह न्हापांम्ह टिनएजर कासामि नं जूगु खः ।