मन्त्रीत थपे यायेवं एमाले दुने असन्तुष्टि

येँ- प्रधानमन्त्री केपी ओलीं म्हिगः पूर्णता बियादीगु मन्त्रिमण्डलयात कयाः एमाले दुने हे थीथी कथंया असन्तुष्टित पिहां वःगु दु । खास यानाः माओवादीपाखें वःम्ह रामबहादुर थापाया कलाः नैनकलायात सञ्चारमन्त्री दयेकूगु खँय् एमाले समर्थित पत्रकारत रुष्ट जुयाच्वंगु दु ।

थापाया कलाःयात मन्त्री दयेकूगु खँयात कयाः सामाजिक सञ्जालय् नं यक्व आलोचना वःगु दु । माओवादीं १७ हजार नेपाली जनताया ज्यान कयाः जनयुद्ध याःगु ला थः कलाःयात मन्त्री दयेकेत जुयाच्वन खनिं धकाः सर्वसाधारणं टिप्पणी यानाहःगु दु ।

अथे हे थ्व मन्त्रिमण्डल पुनर्गठनय् पार्टी दुने हे तःधंगु खिंचातानी जूगु खँ धाःगु दु । थुकी गृहमन्त्रीया रुपय् महेश बस्नेतया नां नं चर्चाय् वःगु खःसां प्रधानमन्त्रीया राजनीतिक सल्लाहकार बिष्णु रिमालया कारणं बस्नेत छखे लाःगु खँ धाःगु दु । रिमालं हे बस्नेतया थासय् खगराजयात गृहय् हयेगु लागिं भूमिका म्हितूगु खँ सूत्रं धाःगु दु । अथे हे प्रधानमन्त्रीलिसे सतीम्ह विश्वासपात्र गोकुल बास्कोटा नं

मन्त्रिमण्डलय् वइगु चर्चा जूगु खःसां वय्कः नं आन्तरिक खिंचातानीया कारणं छखे लाःगु दावी सूत्रं याःगु दु । थ्व स्वयां न्ह्यः सरकारं पिहां वयेमाःम्ह ईश्वर पोखरेल अथें नं असन्तुष्ट जुयाच्वंगु खँ चर्चाय् दु ।

सम्बन्धित बुखँ

LEAVE YOUR COMMENTS