आवंलि छेँबहाः कर स्थानीय तहं जक म्हइगु

येँ— आवंलि छेँबहाः कर स्थानीय तहं जक काइगु जूगु दु । सोमवाः च्वंगु मन्त्रिपरिषदया बैठकं छेँ बहा कर सम्बन्धी निर्णय यासें आवंलि स्थानीय तहं जक कर कायेगु क्वःछिउगु खः ।

न्हूगु संविधान जारी जुइधुंकाः छेँबहाः कर केन्द्रं कायेगु लाकि स्थानीय तहं कायेगु धयागु विवाद जुयाच्वंगु खः । संविधानं स्थानीय तहयात छेँबहा कर कायेगु अधिकार बियातःसां न्हापांनिसें केन्द्रं छेँ बहाः कर कया वयाच्वंगुलिं आन्तरिक राजश्व कार्यालयं कर थःपिंसं हे उठे याना वयाच्वंगु खः । गुकिं यानाः करदातात गन ध्यबा पुलेगु धयागु खँय् हे अन्यौल जुयाच्वंगु खः ।

सोमवाः च्वंगु मन्त्रिपरिषद्या बैठकं संविधान कथं छेँबहाः कर स्थानीय तहं जक कायेगु क्वःछिउगु खः ।

न्हापा छेँबहा कर आयक ऐन २०५८ कथं १० प्रतिशत केन्द्र व स्थानीय स्वायत्त शासन ऐन २०५५ कथं २ प्रतिशत स्थानीय तहं कयाच्वंगु खः । आः स्थानीय तहं थःम्हं हे कानुन दयेकाः कर दर क्वःछिइगु जूगु दु ।