नेपालय् मोबाइल बैंकिङ छ्यलीपिं अप्वल

येँ – नेपालय् मोबाइल बैंकिङ छ्यलीपिनिगु ल्याः अप्वःगु दु। थुगु आर्थिक दँय् ३२ लाख ६१ हजार मोबाइल बैकिब छ्यलीपिं थप जूगु तथ्यांक नेपाल राष्ट्र बैंकं बिउगु दु। गुगु दँय् थप जूगु यानाः मुक्कं मोबाइल बैंकिब छ्यलीपिं ८३ लाख ४७ हजार थ्यंगु दु। वंगु दँय् ५० लाख ८६ हजार नेपाःमिपिंसं मोबाइल बैंकिङ छ्यलाच्वंगु खः ।

ग्राहकयात अःपुइगु व क्यासलेस कारोबारया दकलय् महत्वपूर्ण माध्यमया रुपय् मोबाइल बैंकिङयात कयातःगु दु। मोबाइल बैंकिङया विस्तार लिसें आम मनूगु क्यासलेसय् विश्वास अप्वया वनाच्वंगु दु। थौंकन्हय् आपालं धइथें स्मार्ट ग्राहकत बैंकय् वनाः कारोबार याये चाहे मजुयाच्वंगु दुसा एटीएमय् नं वने चाहे जुयाच्वंगु मदु। अथे जुयाः मोबाइल बैंकिङ मनूतय् निंतिं विकल्प जुयाच्वंगु दु ।

नेपाःया बैंकिब क्षेत्रय् लिपांगु इलय् छ्यलाच्वंगु मोबाइल बैंकिङ, इन्टरनेट बैंकिङ, एटीएम, इलेक्ट्रोनिक कार्ड पेमेन्ट, स्वीपकार्ड थेंज्याःगु प्रविधिं बैंकया लागत नं म्हो याःगु दु। थुकिं शाखा चायेकेगु निंतिं माःगु लागत व कर्मचारी व्यवस्थापनया लागत नं म्हो जूगु दु ।

नेपालय् दकलय् न्हापां स्ट्यान्डर्ड चार्टर्ड बैंकं मोबाइल बैंकिङ शुरु याःगु खः । वयां लिपा लक्ष्मी बैंकं मोबाइल मनी शुरु याःगु खः । मोबाइल स्मार्ट बैंकिङ शुरु याःगु श्रय धाःसा ग्लोबल आईएमई बैंयात वनी । ग्लोबलं न्हापांखुसी एसएसएस प्रणाली त्वःताः इन्टरनेटय् आधारित जुयाः स्मार्ट बैंकिङ न्ह्याकूगु खः ।

थौं कन्हय् मोबाइल बैंकिङपाखें छगू बैंकं मेगु बैंकय् ध्यबा छ्वयेगु, स्कुल, एनटीसी, एनसेल, इन्टरनेट सेवा प्रदायक कम्पनीया ध्यबा पुलेगु, सामान न्यायेगु, मतया ध्यबा पुलेगु, टिकट बुक यायेगु आदि ज्या जुयाच्वंगु दु ।