भारतय् कोभिड १९ संक्रमिततय् ल्याः म्हो जुल

एजेन्सी- भारतय् बुलुहुं कोभिड १९ संक्रमिततय् ल्याः म्हो जुया वयाच्वंगु दु । म्हिगः न्हिछिया दुने भारतय् १ लाख १४ हजार म्हेसिके संक्रमण खनेदुगु खः । थ्व ल्याः धयागु वंगु निला दुनेया हे दकलय् म्हो जूगु खँ केन्द्रीय स्वास्थ्य तथा परिवार कल्याण मन्त्रालयं धाःगु दु ।

भारतय् कोभिड संक्रमणया निगूगु लहर सुरु जुइवं अन न्हिं प्यंगू लाखम्हेसियात धयाथें संक्रमण खनेदयाच्वंगु खः ।  म्हिगः तकया दुने भारतय् कोभिड संक्रमित जूपिनि ल्याः २ करोड ८८ लाख थ्यंगु दुसा संक्रमण पाखें मुक्त जूपिं २ करोड ७० लाख दु ।

म्हिगः २४ घन्टाया दुने सीपिनि ल्याः नं म्हो जुयाः २ हजार ६७७ म्ह जक थ्य.गु खँ धाःगु दु । भारतय् कोभिडं सीपिनि ल्याः थुकिया लिसें ३ लाख ४६ हजार ७५९ म्ह थ्यंगु दु । थन अझ नं १४ लाख ७८ हजारम्ह सक्रिय संक्रमितत थनिगु खँ धाःगु दु ।

छुं न्हि न्ह्यवनिसें सक्रिय संक्रमिततय् ल्याः नं म्हो जुयावंगु खँ मन्त्रालयं धाःगु दु । म्हिगः न्हिछिया दुने जक ७७ हजारम्ह सक्रिय संक्रमिततय् ल्याः म्हो जूगु खः ।
भारतय् वंगु जनवरी १६ निसें खोप बीगु सुरु याःगु खःसा आःतक थन २३ करोड १० लाख खोप बीधुंकूगु खँ धाःगु दु । अथेहे भारतीय स्वास्थ्य अनुसन्धान परिषद्ं आःतक देय्न्यंकं यानाः ३६ करोड ४० लाख स्वाब परीक्षण जुइधुंकूगु खँ धाःगु दु ।

सम्बन्धित बुखँ

LEAVE YOUR COMMENTS