सर्वोच्चं नागरिक अध्यादेश खारेज याःसा छु जुइ ?

येँ – अन्ततः प्रधानमन्त्री केपी ओली जसपाया छगू पुचःयात सरकारय् दुथ्याकेत सफल जुयादीगु दु । जसपाया नेता महन्थ ठाकुर पुचःयात च्याम्ह फुल मन्त्री व निम्ह राज्य मन्त्री बियाः सरकारय् दुथ्याकेगु ज्या जूगु खः ।

जसपाया ठाकुर पुचः मेम्ह नेता राजेन्द्र महतोया नेतृत्वय् सरकारय् वंगु खः । महतोयात उपप्रधानमन्त्री सहित शहरी विकास मन्त्रालय बिउगु दु । थुकी शरदसिंह भण्डारीयात उर्जा जलस्रोत तथा सिंचाई, अनिल झायात खानेपानी, लक्ष्मणलाल कर्णयात भूमि व्यवस्था, सहकारी तथा गरिबी निवारण, विमल श्रीवास्तवयात श्रम, रोजगार तथा सामाजिक सुरक्षा, उमाशंकर अरगरियायात युवा तथा खेलकुद, चन्दा चौधरीयात महिला, बालबालिका तथा जेष्ठ नागरिक व एकबाल मियायात वन तथा वातावरण मन्त्रालया जिम्मेवारी बिउगु दु ।

अथे हे राज्यमन्त्री कथं चन्द्रकान्त चौधरीयात उर्जा व रेनुका गुरुङयात महिला तथा बालिका मन्त्रालय बिउगु दु ।

सरकारं अध्यादेश मार्फत नागरिकता कानून लागू यायेवं जसपाया ठाकुर पुचः सरकारय् दुहां वःगु खः । तर सरकारं हःगु नागरिकता अध्यादेश विरुद्ध धाःसा सर्वोच्च अदालतय् मुद्दा लानाच्वंगु दु । थुकिया बारे सुुनुवाई यायेत नं सर्वोच्चं संवैधानिक इजलास गठन याःगु दु । छुं जुयाः सर्वोच्चं सरकारं हःगु उगु अध्यादेशया विरुद्धय् फैसला यात धाःसा ठाकुर पुचलं छु याइ धइगु न्ह्यसः पिहां वःगु द ।

सम्बन्धित बुखँ

LEAVE YOUR COMMENTS