संसद विघटन राजपत्रय् दु ला?

येँ -सर्वोच्च अदालतं संसद विघटन सम्बन्धी राजपत्रय् प्रकाशित सुचं माग याःगु दु । प्रधानमन्त्री केपी शर्मा ओलीं संसद विघटन यायेगु सिफारिस राष्ट्रपतिं सदर याःगु धकाः राजपत्रय् पिदगु सुचं प्रधानन्यायाधीश चोलेन्द्र शम्शेर जबरां माग याःगु खः । सर्वोच्च अदालतय् बहस यायेगु झ्वलय् अधिवक्ता ओमप्रकाश अर्याल व टीकाराम भट्टराईं संसद विघटन यायेगु सिफारिस राष्ट्रपतिं सदर यायेधुंकाः राजपत्रय् प्रकाशन जूगु थःपिंसं मसिउगु खँ इजलासयात जानकारी याकूगु खः ।

थ्वहे झ्वलय् संसद विघटनया मुद्दाय् बहस यायेत नां च्वकूम्ह अधिवक्ता बसन्त रिमालयात सर्वोच्च अदालतं बहस यायेगुली पना बिउगु दु । अधिवक्ता ज्ञानेन्द्रराज आरणया रिट निवेदनया पक्षय् बहस याःवःम्ह रिमालं माघ ४ गते लिपा जक वकालतनामा बुझे याःगु धासें प्रधानन्यायाधीश चोलेन्द्र शम्शेर जबरां बहस याके मबिसे पना बिउगु खः । रिमालं माघ ५ गते वकालतनामा बुझे याःगु खः ।

सम्बन्धित बुखँ

LEAVE YOUR COMMENTS