मखनय् रक्तदाता समाजया हिदान ज्याझ्वः

येँ- नेपाल स्वय्मसेवी रक्तदाता समाज २४ वडा नगर कमिटीया ग्वसालय् मखं त्वालय् छगू हिदान ज्याझ्वः जुल । निषेधाज्ञाया दथुइ नं हिया अभाव पूर्ति यायेगु ल्याखं उगु हिदान ज्याझ्वः जूगु खः ।

हिदान ज्याझ्वलय् समाजया केन्द्रीय अध्यक्ष प्रेमसागर कर्माचार्य मूपाहांकथं झायादीगु खःसा येँ महानगरपालिका वडा नं. २४या वडाअध्यक्ष बालकृष्ण श्रेष्ठ, महानगरीय प्रहरी वृत्त जनसेवाया प्रमुख दिलबहादुर मल्ल विशेष पाहांकथं उपस्थित जुयादीगु खः ।

विश्व स्वास्थ्य संगठनपाखें थुगुसी जून १४ तारिख विश्व रक्तदाता दिवसया लसताय् पित बिउगु हि बी नु, जगत सुरक्षित तयेनुल धइगु नारा बियाः न्ह्याःगु हिदान ज्याभ्वलय् समाजया केन्द्रीय अध्यक्ष कर्माचार्यं १६६ क्वः हिदान यानादीगु खः । ज्याझ्वलय् पीछम्हेसिनं हिदान यानादीगु खः ।

नगर कमिटीया अध्यक्ष सुरेश शिलाकारया सभापतित्वय् न्ह्याःगु हिदान ज्याभ्mवलय् विशेष पाहां वडाअध्यक्ष श्रेष्ठं कर्माचार्य व २० वडा नगर कमिटीया अध्यक्ष राम रंजितयात खादा क्वखायेकाः सम्मान नं यानादीगु खः ।

सम्बन्धित बुखँ

LEAVE YOUR COMMENTS