संसद भंग यायेगु निर्णय , कार्तिक २६ व मंसिर ३ य् मध्यावधि चुनाव

येँ – प्रधानमन्त्री केपी ओलीं हाकनं छक्वः संसद भंग याःगु दु । शुक्रवाः चान्हय् हे मन्त्रिपरिषद्या बैठक च्वनाः संसद भंग यानाः मध्यावधि चुनाव यायेगु क्वःछिउगु खः । मन्त्रिपरिषद् राष्ट्रपति समक्ष कार्तिक २६ गते व मंसिर ३ गते चुनाव यायेत सिफारिस यायेगु क्वःछिउगु खः ।
मन्त्रिपरिषद् बैठक लिपा सरकारया प्रवक्ता व सुचना तथा संचार मन्त्री पार्वत गुरुङं मन्त्रिपरिषदं संसद भंग यानाः मध्यावधि निर्वाचनय् वनेगु क्वःछिउगु जानकारी बियादीगु खः ।

थ्वयां न्ह्यः राष्ट्रपति विद्यादेवी भण्डारीं प्रधानमन्त्रीया निंतिं नेपाल कांग्रेसया सभापति शेरबहादुर देउवा व प्रधानमन्त्री केपी ओलीं प्रधानमन्त्रीया निंतिं दावी याःगु रिटपूर्वक मजूगु धासें अस्वीकार याःगु खः । सरकार दयेकेगु दावीइ समर्थन याःपिं सांसदतय्सं निम्हेसिगुं दावीइ समर्थन यानातःगु धासें राष्ट्रपतिं थुकियात अस्वीकार याःगु खः ।