राजधानी येँय् कोरोनाया ल्याःचाः

येँ – देय्न्यंकं न्यना वनाच्वंगु कोरोना संक्रमणया दकलय् अप्वः प्रभाव राजधानी येँय् हे लानाच्वंगु दु । मुक्कं नेपाःया संक्रमित मध्ये करिब ४५ प्रतिशत विरामी राजधानी येँय् हे लुयाच्वंगु दु ।

येँ महानगरपालिका शहरी स्वास्थ्य विभागं पिकाःगु ल्याःचाः कथं येँय् ४६,९८२ म्ह संक्रमित लूगु खःसा ३८,५३० म्ह लना नं वंगु दु । येँ मनपाया फुक्क वडाय् यानाः ७,६२६ म्ह विरामीत होम क्वारेन्टाइनय् च्वनाच्वंगु दनि ।

येँ मनपाय् आः तक कोरोनां कयाः सीपिनि ल्याः ३२७ म्ह थ्यनेधुंकूगु दु । कोरोनां कयाः दकलय् अप्वः स्वयम्भू लागाया वडा नं. १५ य् सीगु दु । अन आः तक २६ म्ह मनू सीधुंकूगु दु । दकलय् कम वडा नं. १९ व २८ य् सीगु दु । अन आः तक निम्ह निम्ह जक सीगु दु ।

कोरोनाया विरामीत फुक्क हे वडाय् दु । दकलय् अप्वः विरामी वडा नं. १६ य् दुसा दकलय् कम १८ वडाय् दु । अन १८७ म्ह जक विरामी लूगु दु ।
कोरोनाया निक्वःगु महामारी शुरु जुइ न्ह्यः येँय् आपालं मनूतय्सं भ्वय् न्यायेकेगु ज्या याःगु खःसा आः अथे भ्वजय् वंपिं नं यक्व मनूत विरामी जूगु वा सीगु खँ पिहां वःगु दु ।

अथे हे थ्वहे इलय् येँय् थीथी जात्रा पर्व न्यायेकेगु नापं राजनीतिक पार्टीतय्सं ततःधंगु सभा समारोहत नं याःगु खः । उकिया समेत लिच्वः कथं आः कोरोना संक्रमितया ल्याः अप्वयाच्वंगु अनुमान याःगु दु । कोरोनां कयाः राजधानीया आपालं स्थानीय मनूत प्रभावित जुयाच्वंगु लूगु दु ।

सम्बन्धित बुखँ

LEAVE YOUR COMMENTS