प्रेमध्वज प्रधान मंत

येँ -वरिष्ठ गायक, संगीतकार प्रेमध्वज प्रधान मंत । वय्कः बिहिवाः न्हिनय् १ः४५ ताःई पाखे न्यूरो एण्ड जनरल अस्पतालय् वासः याकुयाकुं मदुगु खः । वंगु शुक्रवाः कोरोनाया आशंकाय् वय्कःयात अस्पताल भर्ना याःगु खः । सासः ल्हाये थाकुया अस्पताल भर्ना याःगु खःसां वय्कःया कोरोना धाःसा नेगेटिभ जूगु खँ वय्कःया छेँजःपिंसं धाःगु दु ।

वि.सं. १९९४ य् सिन्धुपाल्चोक जिल्लाया चौताराय् बूम्ह वय्कः ८४ दँया उमेरय् मदुगु खः ।

गोल्डेन भ्वाइस अफ नेपालया नामं म्हसीका दुम्ह वय्कलं नेपालभाषाया नं यक्व म्येँ हालादीगु दु । वय्कलं हे नेपालय् दकलय् न्हापां रक एण्ड रोल म्ये हालादीगु खः । नेपालभाषाया ‘बाला बालाचिंगु मिखा…’ वय्कलं हे संगीत तयाः हालादीगु नेपाःया हे न्हापांगु रक एण्ड रोल म्येँ खः । अथेहे नेपालभाषाया तसकं चर्चित लोकम्येँ ‘राजमति कुमति जिके वःसा पिरती’ नं वय्कलं हालादीगु खः ।

सम्बन्धित बुखँ

LEAVE YOUR COMMENTS