थौं मेयर शाक्ययात नागरिक अभिनन्दन

येँ (नेपालभाषा टायम्स)÷येँ महा नगरपालिकाया मेयर भाजु विद्या सुन्दर शाक्ययात थौं नागरिक अभिनन्दन याइगु जूगु दु । येँ मनपा दुने लाःगु सामुदायिक व संस्थागत फुक्कं स्कुलय् नेपालभाषाया माध्यमं स्थानीय विषय ब्वंकेगु ज्या याःगुलिं येँ देय्या नेवाःतय्पाखें मेयर शाक्ययात थ्व अभिनन्दन यायेत्यगु खः ।

नेवाः राष्ट्रिय पत्रकार दबू, येँ जिल्ला कमिटीया संयोजनय् थीथी नेवाः खलः पुचःत जानाः थौं अभिनन्दन यायेत्यंगु खः । थ्व लसताय् थौं बसन्तपुली छगू तःजिगु समारोह यासें मेयर शाक्य लिसें उपमेयर हरिप्रभा खड्गी श्रेष्ठ व येँ मनपा मुक्कं टीमयात हे अभिनन्दन याइगु ग्वसाः दु ।

सम्बन्धित बुखँ

LEAVE YOUR COMMENTS