ने. सं. ११४४ ञलाथ्व नवमी -

नेपालभाषा शिक्षक भर्नाय् उत्साहपूर्ण ब्वति

येँ – येँ महानगरपालिकां नेपालभाषा पाठ्यक्रम ब्वंकेगु लागिं याःगु शिक्षक मागय् उत्साहपूर्वक दरखास्त वयाच्वंगु खँ सीदुगु दु । शिक्षा विभागया कथं म्हिगः तक १२० म्हेस्यां फाराम यंकेधुंकूगु दु । मनपां उगु पाठ्यक्रमया लागिं १७२ शिक्षक माग याःगु खः । थुकिं नेपालभाषा च्वये–ब्वने सःपिंत निवेदन बीत आह्वान यानातःगु दु । विहीवाःनिसें झिंन्यान्हुया दुने दरखास्त बीत मनपां इनाप यानातःगु दु ।