आयोगयात दाहाल–नेपाल पुचःया आपत्ति

येँ-नेकपाया दाहाल–नेपाल पुचलं नेकपा विवाद मज्यंकं निर्वाचन प्रक्रिया न्ह्याकेमजिउगु अडान निर्वाचन आयोग हाकनं याःगु दु । उगु पुचलं ६४ प्रतिशत मत दुगु नेकपाया विवाद मज्यंकं प्रक्रिया न्ह्याके मजिउगु खँ धाःगु खः ।

निर्वाचन आयोगं निर्वाचन आचार संहिता बारे सहलह यायेत झिंप्यंगू दलया प्रतिनिधियात म्हिगः सःतूगु खःसा उकी दाहाल–नेपाल पुचयाः नेता लिलामणि पोखरेलं विवाद निरुपण मयासे निर्वाचनय् वनेगु अर्थ मदुगु अडान तयादीगु खः ।

थःगु अडान तयाः पिहां वयेधुंकाः वय्कलं धयादिल, ‘आयोगं निर्वाचन आचार संहिता तयार यानाच्वंगु खनिं । व बांलाःगु खँ खः, तर आयोगया प्राथमिकता नेकपाया विवाद समाधान यायेमाः धइगु खँय् जिं बः बिया । ६४ प्रतिशत मत दुगु राजनीतिक दलया विवाद मज्यंकुसे गुकथं निर्वाचन जुइ ? विवाद मज्यंकुसे निर्वाचनय् वनेगु खँ जुइमखु ।’

तर निर्वाचन आयोगया आयुक्ततय्सं थःगु अडानय् गुगुं नं प्रतिक्रिया मबिउगु खँ पोखरेलं कनादिल । वय्कलं आधिकारिकताया निंतिं थःपिंसं निवेदन बियागु झिंनिन्हु दयेधुंकाः नं आयोगं आधिकारिकताया छिनोफानो यायेत लिबाकाच्वंगु धासें आक्रोश नं प्वंकादिल । वय्कलं प्रधानमन्त्री केपी शर्मा ओलीं निर्वाचन आयोगया निर्णय प्रभावित यायेगु कथं गतिविधि न्ह्याकाच्वंगु द्वपं नं बियादीगु दु ।

सम्बन्धित बुखँ

LEAVE YOUR COMMENTS