आयो हस्पिटालिटी पार्टनर

येँ – पोखरा प्रिमियर लिगय् म्हितः वइगु फुक्क टिमया नये त्वनेगु, च्वनेगु व्यवस्था ओयों याइगु जूगु दु । ओयो दक्षिण पूर्वी एसियाया दकलय् तःधंगु होटलतय् संजाल खः । ओयों शुक्रवाः छगू ज्याझ्वःया दथुइ पोखरा प्रिमियर लिगया न्हापांगु संस्करणया निंतिं हस्पिटालिटी साझेदारी यायेगु घोषणा याःगु खः ।

थुकिया निंतिं शुक्रवाः हे पोखरा प्रिमियर लिगया आयोजक क्विन्स इभेन्ट म्यानेजमेन्टया कार्यकारी निर्देशक छुम्बी लामा व ओयोया नेपाल प्रमुख निशिद्ध हलानीं सम्झौताय् हस्ताक्षर याःगु खः । सम्झौता हस्ताक्षर ज्याझ्वलय् नेपाली राष्ट्रिय टिमया कप्तान पारस खड्का व हेड कोच जगत तमाटाया उपस्थिति दुगु खः ।

थ्व हे वइगु कात्तिक ९ गते निसें पोखराय् सुरु जुइगु पिपिएलय् काठमाडौं रोयल, पोखरा पल्टन्स, चितवन राइनोज, बुटवल ब्लास्टर, बिराटनगर टाइटान्स व धनगढी ब्लुज यानाः खुगू टिमं धेंधेंबल्लाः याइ । अथेहे पिपिएल कासाजःछि कासा स्वःवःपिंसं नं ओयो होटलया क्वथा बुक यायेबलय् ५० प्रतिशत तक छुट कायेफपइगु खँ धाःगु दु ।