देय् दबू ३ नं. प्रदेशया अभिमुखीकरण तालिम

येँ – नेवाः देय् दबू प्रदेश नं. ३ समितिया ग्वसालय् अन्तर्राष्ट्रिय श्रम संगठन महासन्धि–१६९, आदिवासी अधिकार सम्बन्धी संयुक्त राष्ट्र संघीय घोषणापत्र –२००७ (आइएलओ १६९, अनड्रिप २००७ विषयक अभिमुखीकरण तालिम ज्या वंगु शुक्रवाः जुल ।

देय् दबूया केन्द्रीय नायः नरेश ताम्राारं तालिमया बारे ध्वाथुइकादीगु खःसा आदिवासी जनजाति वकिलतय् संगठन लाहुर्निपया भीम राईं प्रशिक्षण बियादीगु खः ।

प्रशिक्षक राईं ख्वना, ल्हुति लगायतया नेवाःतय् बस्तीइ विकास नामं जुयाच्वंगु थीथी योजनाया प्रशिक्षण बियादीगु खःसा अन ब्वलंगु न्ह्यसःया लिसः नं बियादीगु खः ।

प्रदेश नं. ३ कमिटीया उमेश स्थापितं नं न्वानादीगु तालिमय् देय् दबूया थीथी लागाया प्रतिनिधिनापं कानूत व्यवासयाी यानाः करिब ७० म्हेसिया सहभागिता दुगु खः ।

सम्बन्धित बुखँ

LEAVE YOUR COMMENTS