देय् दबूया यल जिल्ला कमिटिया अन्तरक्रिया
येँ- नेवाः देय् दबूया नीखुक्वःगु बुसादँया लसताय् यल जिल्ला कमिटीया ग्वसालय् भिंतुना कालबिल व अन्तरक्रिया ज्याझ्वः जूगु दु ।
हिराकाजी महर्जनया नायःसुइ सिद्धि महर्जनं न्ह्याकादीगु उगु ज्याझ्वलय् मूपाहां कथं डा. पुष्पराज राजकर्णिकार झायादीगु खःसा बिशेषपाहां कथं नेवाः देय् दबूया नायः नरेश ताम्राकार झायादीगु खः । ज्याझ्वलय् सुरेश प्रधान, शोभा शाक्य, रविन्द्र ताम्रकार, शाक्य सुरेन, रुप रत्न शाक्य, शरण गोपाल डंगोल लगायत थीथी संस्थाया हनेबहःपिं व्यक्तितत्व, बुद्धिजीविपाखें नुगःखँ तयादीगु खः ।
मूँज्याय् नेपालभाषाया संरक्षण व विकासया नितिं प्रत्येक नेवाः तय्गु छेँ मस्तय्सं नेवाः भाय् ल्हाइगु लकस ब्वलंके हथाये जूगुलिं यलया सकभनं ब्वनेकुथिइ छगू तगिं निसें च्यागू तगिंतक्कया तयार जूगु नेपालभाषाया पाठ्यक्रम लागु याकेगु नितिं सकलें नेवाःत जानाः अभियान याकनं न्ह्याकावनेगु सहलह जूगु खः ।
LEAVE YOUR COMMENTS