मिसापिनिपाखें सरकारया विरोध

येँ-संसद विघटनया कारणं विवादय् वयाच्वंगु सरकार मिसा सम्बन्धी छगू नियमया कारणं हानं तःधंगु आलोचनाया शिकार जूगु दु । ४० दँ क्वय्यापिं सुं नं मिसा विदेश भ्रमण वनेगु खःसा परिवार व वडा कार्यालयया स्वीकृति कायेमाः धकाः हयेत्यंगु नियमं यानाः सरकारया आलोचना जूगु दु ।

सरकारया अध्यागमन विभागं थ्व नियम दयेकाः सरकारयात प्रस्ताव याःगु खः । थौंकन्हय् ४० दँ स्वयां क्वय्यापिं मिसापिं विदेशय् शोषणय् लानाच्वंगुलिं उमित बचे यायेगु लागिं थज्याःगु नियम हयागु खँ तकं विभागं धाःसां मिसातय्सं धाःसा मिसातय्त बन्दी दयेकेगु ताः तयाः सरकारं थज्याःगु नियम हःगु दावी याःगु दु । थुकियात कयाः नेपाः जक मखु विदेशय् च्वंपिं नेपाःमि मिसातय्सं तकं विरोध याना हःगु दु ।

नेपाःया मिसात नेपालय् हे सुरक्षित मजुयाच्वंगु अवस्थाय् सरकारं विदेशय् नेपाःमि मिसातय् सुरक्षा बारे नियम दयेकेगु हास्यास्पद खँ जूगु बिचाः नं मनूतय्सं तयाहःगु दु । सरकारया थ्व नियम कानुनी लिसें व्यवहारिक रुपं समेत पाय्छि मजूगु खँ धाःगु दु ।

सम्बन्धित बुखँ

LEAVE YOUR COMMENTS