अमेरिकाय् उच्च सतर्कता

एजेन्सी – अमेरिकाया न्हूम्ह राष्ट्रपति जो बाइडेनं पदभार ग्रहण याये न्ह्यः हिंसात्मक प्रदर्शन जुइफुगु आशंका यासें अमेरिकाया फुक्कं राज्यय्सु रक्षा सतर्कता नालाकाःगु दु। बाइडेनं कंस बुधवाः शपथ ग्रहण यानादीत्यंगु दु। छुं न्हि न्ह्यव संसदय् भिड दुहां वनाः हिंसात्मक प्रदर्शन याःथें मजुइमा धकाः राजधानी वाशिंगटन डिसीइ नेशनल गार्ड्स हे परिचालन याःगु दु ।

अमेरिकाया संघीय जाँच ब्यूरो एफबीआईनं राष्ट्रपति डोनाल्ड ट्रम्पया समर्थकतय्सं ५० गुलिं जिल्लाय् हतियार सहित हे प्रदर्शन यायेफुगु ख्याच्वः बियातःगु दु। शुक्रवाः जक वाशिंगटन डिसीइ छम्ह मनूयात हतियारसहित ज्वंगु दु। भर्जिनियाया राज्यया उम्ह मनूयात बन्दूक व ५०९ राउण्ड गोली सहित ज्वंगु खः।

थ्वहे दथुइ राष्ट्रपतिया सुरक्षा याइगु सुरक्षा निकायं इनाप याःकथं बाइडेनया पुचलं शपथ ग्रहण समारोह ब्वति कायेगु निंतिं यक्व मनूत मवयेत इनाप याःगु दु। स्थानीय अधिकारीतय्सं नं सर्वसाधारणयात छेँय् हे च्वनाः ज्याझ्वः स्वयेत इनाप याःगु दु ।

सम्बन्धित बुखँ

LEAVE YOUR COMMENTS