न्यत अजिमाया भजन म्येँया भिडियो

येँ (नेपालभाषा टाइम्स) – येँ महानगरपालिका वडा नं. १८ स्थित बत अजिमाया भजन म्येँया भिडियो पिदंगु दु। नरदेवी श्री श्वेतकाली संरक्षण तथा व्यवस्थापन समाजं उगु भजन म्येँया भिडियो पिथंगु खः ।

समाजया अध्यक्ष सत्यनारायण डंगोलं बत अजिमा (श्वेतकाली)या निपु भजन म्येँ सार्जजनिक यानागु जानकारी बियादीगु दु। परम्परागत न्यत त्वाःया मू धामी देवकृष्ण महर्जनं च्वयादीगु ‘सुन्दर शान्त, विशाल नेपाल….’ खँग्वःया म्येँय् किशोर महर्जन, ईश्वर महर्जन, अनिल महर्जन व राहुल महर्जनं सः बियातःगु दु । म्येँय् बाजं ग्वसाःपाखें अनिल महर्जनं दबदब, सुजन नेपालीं खिं, सुमन महर्जनं बासुरि, राहुल महर्जनं पर्क्युसनय् साथ बियादीगु दु। म्येँया संगीत संयोजन म्याग्नेटिक एरेञ्ज इन्टरटेन्मेन्ट याःगु खःसा भजन म्येँया भिडियोया सम्पादन आर.के. महर्जनं यानादीगु खः ।

थ्व हे झ्वलय् बत अजिमां दर्शन बियाबिज्याःगु दिंलिसें सकल प्राणी मात्रया सुख, शान्ति व समृद्धिया कामना यासें वसपोलप्रति क्षमा पुजा नं याःगु खः ।