९ गते प्रदर्शन

येँ (नेपालभाषा टाइम्स) – नेकपा प्रचण्ड–माधव पक्षं वइगु माघ ९ गते संसद विघटन विरुद्ध येँय् बृहत् प्रदर्शन याइगु जूगु दु । म्हिगः च्वंगु नेकपाया थीथी के न्द्र व भातृ संगठनया मंकाः बैठकं उगु निर्णय याःगु खः । बैठकं ९ गते जुइगु विरोध प्रदर्शनय् व्यापक जनसहभागिता सहित अधिकार रक्षाया निंतिं ऐक्यबद्धता प्वंकेत फुक्कं राजनीतिक दल, नागरिक समाज, थीथी संघसंस्थायात इनाप नं याःगु दु । माघ ९ गते जुइगु विरोध प्रदर्शनया निंतिं माघ ४, ५ व ६ गते प्रदेश, जिल्ला, निर्वाचन क्षेत्र, पालिका, वडा व शाखा कमिटी, सम्पर्क तथा जनवर्गीय संगठनया तहगत कमिटीया बैठक तयाः ९ गते या प्रदर्शनयात व्यापक यायेत नं इनाप यानातःगु दु ।