विदेशय् अलपत्र जूपिंत तत्काल उद्धारया उजं
येँ (नेपालभाषा टाइम्स)- संसदया उद्योग तथा वाणिज्य व श्रम तथा उपभोक्ता हित समितिं विदेशय् अलपत्रय् लानाच्वंपिं नेपाःमियात वइगु लछिया दुने उद्धार यायेगु ज्या क्वचायेकेत निर्देशन बिउगु दु। आइतवाः श्रम, रोजगार तथा सामाजिक सुरक्षामन्त्री रामेश्वर यादव व परराष्ट्र मन्त्रालयया अधिकारीपिं लिसे जूगु सहलह लिपा समितिं विदेशय् अलपत्रय् लानाच्वंपिं नेपाःमिया तत्काल उद्धार यायेत निर्देशन बिउगु खः ।
म्हिगःया निर्णयय् धयातःगु दु, ‘अलपत्र अवस्थाय् दुपिं श्रमिकयात म्होतिं लछिया दुने उद्धार यायेगु बारे व्यवस्थित कार्ययोजना दयेकाः थौंकन्हय् अलपत्रय् लानाच्वंपि नेपाःमियात स्वदेश हयेगु व्यवस्था यायेत श्रम रोजगार तथा सामाजिक सुरक्षा मन्त्रालय व परराष्ट्र मन्त्रालययात निर्देशन बियाच्वना ।’ कोरोना भाइरस संक्रमणया कारणं विदेशय् अपलपत्रय् लानाच्वंपिं ६८ हजार ३४७ म्ह नेपाःमियात तत्काल उद्धार यायेमाःगु अवस्था दुगु खँ परराष्ट्र मन्त्रालयया सहसचिव हरिशचन्द्र घिमिरें कनादीगु दु ।
LEAVE YOUR COMMENTS