चितुवा ख्यायेत त्रिवि लागाय् झाःपाः स्यंकेगु सुरु

किपु – किपुया त्रिवि लागाय् झाःपाः स्यंकेगु ज्या न्ह्याःगु दु । थौं किपु नगरपालिका, स्थानीय मनू, त्रिविया विद्यार्थी जानाः झाःपाः स्यंकूगु खः । त्रिवि लागाय् चितुवा वयाच्वंगुलिं यानाः चितुवा सुलेफुगु थाय्या झाःपाः स्यंकूगु खः ।

त्रिवि लागाय् ताःई न्ह्यव निसें चितुवा वयाच्वंगु खः । छुं न्हि न्ह्यः त्रिविया लँय् हे चितुवा वयाच्वंगु खनेदुगु खः । लँय् लँय् हे चितुवा वयाच्वंगु खनेदयेवं चितुवायात वयागु हे प्राकृतिक वासस्थानय् ख्याना छ्वयेगु ताः तयाः चितुवा सुलेफइगु सम्भावना दुगु थाय्या झाःपाः स्यंकूगु खः ।

चितुवा लँय् वयाच्वंगुलिं वन विभागया सहायक जिल्ला वन अधिकृत लिसे सहलह लिपा किपु नगरपालिकां झाःपाः स्यंकेगु व किपू मार्गय् बहनी याकःबुकः मजुइत सचेत यायेगु क्वःछिउगु खः ।

सम्बन्धित बुखँ

LEAVE YOUR COMMENTS