सक्वय् माधवनारायण मेलाया तयारी

येँ (नेपालभाषा टाइम्स) – सक्वया माधवनारायणया मेलाया तयारी शुरु जूगु दु। वइगु पोहेलाथ्व मिलापुन्हिनिसे लछियंकं न्ह्याइगु मेलाया निंतिं न्हूगु मेला व्यवस्थापन समिति गठन याःगु दु। निदँय् छक्वः व्रत पुजा व माघ मेला संचालन तथा व्यवस्थापन समितिया नेतृत्व हिलेगु ल्याखं मिजेन्द्रकाजी श्रेष्ठया अध्यक्षताय् न्हूगु समिति गठन याःगु दु। वंगु पुस २५ गते व्यवस्थापन समितिया साधारणसभा यानाः श्रेष्ठया नेतृत्वय् न्हूगु समिति गठन याःगु खः । समिति गठनलिसें समिति, पुजारी व साँवागणं व्रत नाइके मालेगु ज्या याइ ।

वंगु शनिवाः जूगु साधारणसभाय् गोविन्दबहादुर श्रेष्ठं न्हूम्ह अध्यक्ष श्रेष्ठयात कार्यभार लःल्हानादीगु खः । उगु ज्याझ्वलय् थगुनेया मेला संचालनपाखें जूगु ल्याःचाः प्रतिवेदन नं न्ह्यब्वःगु खः । मेलाया निंतिं श्रेष्ठया अध्यक्षताय् गठन याःगु समितिइ निवर्तमान नायः श्रेष्ठ, वरिष्ठ उपाध्यक्षय् जीवनमान सिंह, उपाध्यक्षय् सजनी श्रेष्ठ व बालकृष्ण श्रेष्ठ, मूछ्याञ्जेय् योगेशमान सिं, छ्याञ्जेय् बालकृष्ण सिं, दांभरिंलय् पुर्णबहादुर श्रेष्ठ व दुजलय् विजयकृष्ण भाष्कर, गंगादेवी श्रेष्ठ, गंगादेवी कारंजित, विरेन्द्रलाल श्रेष्ठ, जमुना डंगोल च्वनादीगु दु ।

अथे हे मेपिं दुजलय् रामेश श्रेष्ठ, एलपी श्रेष्ठ, रविन डंगोल, एन्जेल श्रेष्ठ, सरिसा श्रेष्ठ मानन्धर, रम्बिकादेवी श्रेष्ठ, पार्वती मानन्धर, महेश्वर पुखुसी, अमृत श्रेष्ठ, कृष्णदेवी कारंजित च्वनादीगु दु। थुकथं हे त्वाःकजिकथं लक्ष्मीश्वरी श्रेष्ठ, अशोक श्रेष्ठ, रोमन डंगोल, सरोज श्रेष्ठ, सन्तोष श्रेष्ठ, रमेश नापित व राजाराम कुँवर च्वनादीगु दुसा लिउ कजिकथं शुभद्रा श्रेष्ठ, विरेन्द्रमान सिं, गुञ्जन श्रेष्ठ, मोहनकुमार मल्ल च्वनादीगु दु ।

शंखरापुर नगरपालिकाया प्रमुख सुवर्ण श्रेष्ठं लखौं लख ध्यबा मुनीगु माधवनारायण मेला संचालनया निंतिं स्वास्थ्य सतर्कतासहितया ठोस प्रस्ताव हयेमाःगु आवश्यक जूगु खँ धयादीगु दु। लिसें वय्कलं थुगुसीया मेलाय् वइपिं भक्तजनतय्त द्यः दर्शन याकेगु, धलं दनीपिंत व्यवस्थित यायेमाःगु व उकिया निंतिं स्वास्थ्य सुरक्षा मापदण्ड गुकथं पालना याकेगु धइगु खँय् विशेष ध्यान बीत इनाप यानादिल ।

ज्याझ्वलय् गोकर्णे श्वर नगरपालिकाया प्रमुख सन्तोष चालिसे, शंखरापुर नपाया उपप्रमुख शुक्रलक्ष्मी श्रेष्ठ, सुरक्षा निकायया प्रमुख, राजनीतिक दलया प्रतिनिधिपिनिगु उपस्थिति दुगु खः ।

सम्बन्धित बुखँ

LEAVE YOUR COMMENTS