रत्नराज्यय् मातृभाषा सचेतना ज्याझ्वः

येँ (नेपालभाषा टाइम्स) – थनया प्रदर्शनी मार्गस्थित रत्न राज्यलक्ष्मी क्याम्पसय् अध्ययन यानाच्वंपिं नेवाः विद्यार्थीतय् संगठन नेवाः विद्यार्थी युनियनया ग्वसालय् निक्वःखुसी ‘मातृभाषा सचेतना, नेपालभाषा प्रशिक्षण’ ज्याझ्वः वंगु शनिवाः जुल ।

बि.ए. तगिया ब्वँमिपिंत बिउगु छन्हुया उगु तालिम किपुलिइ च्वंगु कीर्तिपुर माध्यमिक विद्यालयया नेपालभाषा विषय शिक्षक देव आनन्द महर्जनं बियादीगु खः । प्रशिक्षक महर्जनं नेवाःलिसें राई, लिम्बु, मगः, गुरु, थारु, अवधि, भोजपुरी यानाः नेपालय् दुगु १२३ गुलिं भाय्म्वाका तयेमाः धयादिल । लिसें वय्कलं भाषा संरक्षण व संवद्र्धनया ज्याय् नेपाल सरकारं हे पहल यायेमाःगु खः व सकल नागरिकयात भाषिक अधिकारय्स मानता बीमाःगु नं धयादिल ।