नेवाः पुचः युएई पाखें प्रशिक्षक श्रेष्ठया हना

युएई– नेवाः पुचः युएई पाखें झिक्वःगु साफय् स्वर्ण विजेता व राष्ट्रिय प्रशिक्षक कुशल श्रेष्ठयात हनेज्या याःगु दु । करातेया प्रशिक्षक प्रशिक्षणया झ्वलय् युएइ झायादीम्ह वय्कःयात युएइया काठमाडौं प्यालेस रेस्टुराँय् छगू ज्याझ्वः यासें हंगु खः ।

नेवाः पुचः युएइया उपाध्यक्ष राजेश प्रधानया सभापतित्वय् जूगु ज्याझ्वलय् न्ववानादिसें पुचःया संरक्षण प्रमोद श्रेष्ठं युुएइ च्वनाच्वंपिं नेवाःतय् प्रतिनिधित्व यानाः सम्मान यायेखंगु पुचःया सौभाग्य खः धयादिसें वय्कःया कार्यशाल सफल जुइमाः धकाः भिंतुनादिल ।

पुचःया केन्द्रीय दुजः व खेलकूद प्रमुख रवि शाहीं न्ह्याकादीगु ज्याझ्वलय् केन्द्रीय दुजः व एभरेस्ट मार्सल आट्सया सल्लाहकार हिरालाल श्रेष्ठं कासा जीवनया थःगु अनुभव प्वंकादिसें प्रशिक्षक श्रेष्ठया कार्यकाल सफल जुइमा धासें देशय् खेलकूद सम्बन्धी आवश्यक नीति दयेकेत भूमिका म्हितीगु विश्वास प्वंकादिल ।
सभापतिया थासं न्ववानादिसें उपाध्यक्ष प्रधानं नं वय्कःयात भिंतुना देछासें प्रशिक्षक श्रेष्ठ नेवाःतय्सं गर्व यायेबह जूगु खँ कनादिल ।

नेपालभाषा टाइम्स

च्वमिया मेमेगु

• तोखाया धर्म संस्कृति सम्बन्धी सफू
• यःसिं हनुमानध्वाखा थ्यन
• देय दबूया स्वीक्वःगु बुसादँ हन
• आः लाइसेन्सया पलेसा क्युआर कोर्ड दुगु रसिद
• माओवादीपाखें नं खुसि मापदण्डया विरोध