भाषासेवी शिवराम अमात्य मंत
येँ – भाषा सेवी लिसें समाजसेवी भाजु शिवराम अमात्य मंत । वय्कः देगः म्हिचा सपूmया ग्वाहालिमि लिसें नेपाः राष्ट्रिय पार्टीया संस्थापक दुजः खः । नेपाः पार्टीपाखें बुद्ध साय्मि सांसद जुयादीगु इलय् वयकलं स्वकीय सचिव जुयाः ज्या यानादीगु खः । थौंकन्हय् नैकापय् च्वंच्वनादीम्ह वय्कः अन हे च्वंगु सिंर बाजं खलःया सल्लाहकार नं जुयादी ।
स्वास्थ्यय् छुं समस्या मदुम्ह खःसां म्हिगः छेँय् सुं मदुगु इलय् आकाझाकां हृदयाघात जुयाः वय्कः मदुगु खँ छेँजःपिंसं कंगु दु । वय्कःया जहान लिसें निम्ह काय व निम्ह म्ह्याय् दी । कुल छेँ येँया चिकंमुगलय् खःसां छुं दँ न्ह्यवंनिसें वय्कः नैकापय् च्वनादीगु खः । अन नं भाषा, जाति, कला, संस्कृति व समाजसेवाया ज्याय् हे वय्कः सक्रिय जुया च्वनादीगु खः । म्हिगः हे पशुपति आर्यघाटय् वय्कःया अन्तिम संस्कार नं क्वचाल । वय्कः ७३ दँ दुम्ह खः ।
LEAVE YOUR COMMENTS