बागमती प्रदेशय् नं अस्थिरता

येँ (नेपालभाषा टाइम्स) – बागमती प्रदेशया मुख्यमन्त्री डोरमणि पौडेलं प्रदेश संसदीय दलया उपनेता शालिकराम जम्कट्टे ल व सचेतक बुद्धिमान माझीयात पदमुक्त याःगु दु । प्रदेश सरकार विरुद्ध अविश्वास प्रस्ताव दर्ता यायेगु निंतिं भूमिका म्हितुगु धासें मुख्यमन्त्री पौडेलं वय्कःपिंत चीकूगु खँ वय्कःया प्रेस संयोजक प्रकाश दाहालं कनादीगु दु । मुख्यमन्त्री पौडेल प्रधानमन्त्री ओली पुचःयाम्ह खःसा जम्मकट्टेल व माझी दाहाल-नेपाल पुचःयाम्ह खः । दाहाल-नेपाल पुचलं मुख्यमन्त्री पौडेल विरुद्ध प्रदेशसभाय् अविश्वासया प्रस्ताव दर्ता यानातःगु दु । अन दाहाल-नेपाल पुचःपाखें अष्टलक्ष्मी शाक्ययात संसदीय दलया नेता ल्ययेगु कथं अविश्वासया प्रस्ताव दर्ता याःगु खः ।