रुसय् डुंगा डुबे जुयाः १७ म्ह बेपत्ता

एजेन्सी – रुसया पश्चिमी क्षेत्रय्लाःगु बारेन्ट्स समुद्रय् न्या लायेत वनाच्वंगु छगः डुंगा डुबे जुइवं उकी च्वनाच्वंपिं मध्ये १७ म्ह बेपत्ता जूगु दु। डुंगाय्दु पिं १९ म्ह मध्ये निम्हेसित धाःसा सुरक्षित उद्दार याःगु दु । ओनेगा नांया थ्व नीजि कम्पनीया जहाज नोभाया जेम्ल्या लिक्क लाःगु क्षेत्रय् दुर्घटना जूगु खः । अधिकारीतय्सं म्हिगः सुथय् स्थानीय ई कथं ७ः३० बजे डुंगा डुबे जूगु खबर न्यंगु खः । मौसम तसकं चिकुया वयेवं डुंगाय् च्वापु जमे जुयाः डुबे जूगु अनुमान अधिकारीतय् दु ।