येँ सुनचाँदी व्यवसायी संघय् न्हूगु नेतृत्व

येँ (नेपालभाषा टाइम्स) – येँ सुनचाँदी व्यवसायी संघया न्हूधाः जूगु दु । सोमवाः जूगु १७ व १८ क्वःगु दँमुँज्या व खुक्वःगु तःमुँज्यां सुरशमान शाक्यया अध्यक्षताय् न्हूगु कार्यसमिति ल्यःगु खः । झिंच्याम्हसियागु कार्यसमितिइ मुक्तीरत्न वज्राचार्य न्वकु, राहिना देवी शाक्य सचिव, लेखरत्न शाक्य सहसचिव, दशरत्न वज्राचार्य दांभरिं ल्यःगु खः । अथेहे मू दुजलय् पुण्यरत्न वज्राचार्य, प्रकाशराज श्रेष्ठ, ताराराम मुनकर्मि, सुरन्द्रकाजी शाक्य, रमेशमान शाक्य, उपेन्द्रकाजी शाक्य, मोहिनी शाक्य, अभिषेक शाक्य, मनिष शाक्य, पद्मेश शाक्य, संजयरत्न शाक्ययात ल्यःगु दुसा कविरचन्द्र वज्राचार्ययायात मू दुजलय् मनोनित याःगु दु ।

ज्याझ्वलय् न्ववानादिसें निर्वतमान अध्यक्ष महेन्द्र रत्न शाक्यं स्वनिगःया लुँवहः व्यवसायीतय्सं जक आर्थिक दँ २०७६/७७ य् देय्या राजश्वय्थ्यं मथ्यं ८५ करोडया योगदान याःगु खँ कनादिसें सरकारं थ्व क्षेत्रयात व्यवस्थित रुपं औद्योगिकरणपाखे यंकेत लिबाके मजिउगु खँ धयादिल ।