शहरी विकास मन्त्री श्रेष्ठं निला दुने यानादीगु ज्या

येँ (नेपालभाषा टाइम्स) – शहरी विकास मन्त्री कृष्णगोपाल श्रेष्ठं थः मन्त्री जुयागु थ्व निलाया अवधि दुने यानागु ज्याया धलः सार्वजनिक यानादीगु दु । म्हिगः मन्त्रालयय् हे छगू पत्रकार सम्मेलन यासें वय्कलं असोज २९ गतेनिसें मंसिर २९ गते तकया दुने बञ्चरेडाँडाय् फोहोर वायेत दयेकाच्वंगु ल्याण्डफिल साइटया न्हापांगु चरणया ज्या क्वचायेकागु लगायतया ज्या न्ह्यथनादीगु दु । अथे हे प्रधानमन्त्री निवासय् हेलिप्याड दयेकागु, धोबीखोला करिडोर अन्तर्गत फुक्क ताँया अन्डरपास सञ्चालन यानागु खँ नं न्ह्यथनादीगु दु । अथे हे वय्कलं आः वइगु निलाया दुने थम्हं यायेत्यनागु ज्याखँया धलः नं अन सार्वजनिक यानादीगु खः ।